Конфедератсияи футболи Осиё (AFC) натоиҷи қуръакашии марҳилаи интихобии Ҷоми футзали Осиё-2026-ро, ки рӯзи 26-уми июн баргузор шуд, эълон кард.
Дар мусобиқоти интихобии Ҷоми Осиё-2026 ҳамагӣ 31 даста ширкат меварзад. Аз рӯи натоиҷи қуръакашӣ дастаҳо ба ҳашт гурӯҳ тақсим шуданд: ҳафт гурӯҳ иборат аз чаҳордастаӣ ва як гурӯҳ иборат аз се даста:
гурӯҳи “А”: Кувайт (мизбон), Австралия, Муғулистон, Ҳиндустон; гурӯҳи “В”: Тайланд (мизбон), Кореяи Ҷанубӣ, Баҳрайн, Бруней;
гурӯҳи “С”: Тоҷикистон (мизбон), Ҷопон, Макао, Камбоҷа;
гурӯҳи “D”: Арабистони Саудӣ (мизбон), Ироқ, , Тайван, Покистон; гурӯҳи “Е”: Чин (мизбон), Ветнам, Лубнон, Ҳонконг;
гурӯҳи “F”: Қирғизистон (мизбон), Узбекистон, Тимори Шарқӣ, Фаластин;
гурӯҳи “G”: Малайзия (мизбон), Эрон, Имороти Муттаҳидаи Арабӣ, Баҳрайн;
гурӯҳи “Н”: Мянмар (мизбон), Афғонистон, Молдив.
Бозиҳои мусобиқоти интихобии Ҷоми Осиё-2026 аз 20-ум то 24-уми сентябри имсол дар ҳашт кишвар: Кувайт, Тайланд, Тоҷикистон, Арабистони Саудӣ, Чин, Қирғизистон, Малайзия ва Мянмар доир мегарданд.
Ғолибони ҳашт гурӯҳи интихобӣ ва ҳафт дастаи беҳтарини ҷойҳои дуюм ба даври ниҳоии Ҷоми Осиё-2026, ки аз 27-уми январ то 7-уми феврал дар Индонезия баргузор мешавад, роҳ меёбанд.
Гуфтугӯ